Në pikën kufitare në Kakavijë është goditur një rast i mosdeklarimit të të hollave. Një 43-vjeçare është proceduar në gjendje të lirë, ndërsa gjatë kontrollit iu gjetën 11 590 euro, 40 000 lekë dhe 50 paund që ajo po tentonte t’i nxirrte nga vendi ynë, pa i deklaruar siç e përcakton ligji.
“Specialistët e Seksionit për Hetimin e Krimeve të DVKM Gjirokastër kanë referuar materialet në Prokurori ku filloi procedimi në gjendje të lirë për shtetasen A. B., 43 vjeçe, banuese në Gjirokastër, pasi gjatë kontrollit në vijën e dytë, në PKK Kakavijë, iu gjetën në çantë 11 590 euro, 40 000 lekë dhe 50 paund që ajo po tentonte t’i nxirrte nga vendi ynë, pa i deklaruar siç e përcakton ligji. “- njofton policia.
Shuma e parave u sekuestrua në cilësinë e provës materiale.
