Kirurgjia e bukurisë është trendi i dekadës të fundit, megjithatë është shoqëruar gjithmonë me pikëpyetje dhe polemika në shumë aspekte.
Rezultatet e fundit të një studimi në Spanjë tregojnë se operacionet plastike janë rritur tepër në 8 vitet e fundit, por pa u vlerësuar shëndeti mendor i pacientëve.
Në vitin 2021 në klinikat spanjolle janë kryer 204 mije e 510 ndërhyrje, 215% më shumë së në vitin 2013, ndërsa në SHBA mes 2020-21 u rritën me 54%.
Specialistët kërkojnë që para ndërhyrjeve plastike të bëhen rishikime psikologjike, gjë që tani nuk ndodh, ndërsa kirurgët estetikë kanë pranuar se e vlerësojnë pacientin vetëm përmes një bisede paraprake.
“90% e personave që i nënshtrohen ndërhyrjes janë persona që nuk kanë ndonjë patologji, që kërkojnë gjëra të arsyeshme dhe respektojnë udhëzimet e specialistit. Pastaj ka një përqindje të vogël njerëzish që kanë çrregullime të vetëperceptimit, por janë pakicë” shtojnë ata.
Megjithatë, ka studime që zbulojnë probleme më të mëdha mendore tek pacientët në klinikat estetike.
Në një përmbledhje të vitit 2022 të studimeve mbi ndikimin psikologjik të kirurgjisë kozmetike në SHBA, vërehet se në mesin e pacientëve që i nënshtrohen ndërhyrjeve ka një incidencë më të lartë të çrregullimeve.
Një studim danez i vitit 2004 zbuloi se gratë me implante gjiri përjetuan vdekshmëri më të lartë se popullata e përgjithshme, pjesërisht për shkak të një rritjeje trefish të shkallës së vetëvrasjeve.
Sipas gjinisë, në Spanjë 85% e trajtimeve merren nga gratë dhe 15% nga burrat ndërsa në SHBA 94% të kërkesave vijnë nga gratë.
Megjithatë studimet theksojnë se interesi I burrave dhe të rinjve për ndërhyrje bukurie janë në rritje.
