Janë publikuar pamjet e tentativës së grabitjes së dyqanit të kompnisë celulare “One Albania” mbrëmjen e sotme në zonën e kombinatit në Tiranë, nga i njëjti person i cili grabiti mbrëmjen e djeshme dyqanin e kompnisë celulare “Vodafone” në Myslym Shyri.
Por, mbrëmjen e sotme, plani i tij dështoi. Siç shihet dhe në videon e publikuara nga mediat, në dorë ai mban një valixhe ndërsa pasi ka hyrë në dyqan ai e ka hapur dhe ka treguar një send në dukje pistoletë, nën kërcënimin e të cilës ka kryer vjedhjen e një nate më parë.
“Ju bëftë mirë”, u thotë dy punonjëseve të cilat po konsumonin ushqim. I qetë afrohet pranë njër punonjëse dhe nxjerr nga çanta një pistoletë, që nuk dihet nëse është reale ose false, ndërsa thotë se i duhen paratë pasi është me transplanti mëlçie.
Por, punonjëset e kompanisë jo vetëm që nuk janë trembur, por njëra prej tyre duket se nuk e beson që arma të jetë e vërtetë.
“Mos më provoko”, i thotë autori. Teksa i thotë se pistoleta është fallso punonjësja i ka hapur derën e dyqanit duke e nxjerrë përjashta.
Diskutimi:
Autori: Ju bëft mirë o goca, në fillim ma bëni hallall se nuk e bëj nga qejfi jam me transplant mëlçie. Po nuk dola tamam nga këtu, shihe ( i tregon sendin, në dukej pistoletë).
Shitësja: Me pistoletë lodër do grabitesh ti, dil jashtë!
Autori: Mos më provoko
Shitësja: Dil jashtë
Ditën e djeshme, ai rreth orës 20:35, në rrugën “Myslym Shyri”, ka hyrë në dyqanin e “Vodafone dhe duke i kërcënuar punonjësit me armë zjarri, grabiti xhiron ditore rreth 300 mijë lekë të vjetra. I filmuar nga kamerat e sigurisë, edhe mbrëmjen e sotme ai është shfaqur me të njëjtën veshje, xhinse blu, bluzë të kuqe dhe kapele të zezë. Si dje dhe sot, ai ka ikur në drejtim të paditur, teksa policia po punon për identifikimin dhe kapjen e tij.
