Kombëtarja U-21 ka mbërritur mesditën e së mërkurës në Finlandë, për të luajtur ndeshjen e radhës për llogari të kualifikueseve të Euro 2025 për 21-vjeçarët.
Skuadrat e drejtuar nga Alban Bushi mbylli të martën seancat përgatitore në Shqipëri dhe sot do të kryejë të radhës në Finlandë prej orës 18:00.
Shpresat ndeshjen me Finlandën U-21 e kanë në program për ta luajtur të premten, prej orës 17:00, ndërsa tre ditë më pas, më 17 tetor, do të luajë ndaj Malit të Zi në “Egnatia Arena” prej orës 14:30.
Kuqezinjtë e drejtuar nga Alban Bushi janë shortuar në grupin E për Europianin e Sllovakisë dhe pas dy ndeshjeve të para renditen në krye të grupit me 6 pikë.
