Prishtina barazoi 1-1 me Ballkanin mbrëmë, në ndeshjen e vlefshme për Superligën e Kosovës. Përtej rezultatit, një koreografi mbresëlënëse u vërejt në tribunat e stadiumit “Fadil Vokrri”.
Tifogrupi i skuadrës nga Prishtina, “Plisat” dhuruan spektakël të vërtetë. “Besa Besë” – shkruhej në banderolën patriotike, e cila mori shpërndarje të gjërë.
Një ide e tillë fantastike dhe që zgjon ndjenjën kombëtare, pak ditë para ndeshjes së Shqipërisë me Çekinë, takim ky i vlefshëm për kualifikueset e Euro 2024. “Plisat” kanë qenë përherë bashkë-udhëtare të përfaqësueses tonë, duke bërë tifo për kuqezinjtë edhe në ditë të vështira.
Sa i takon ndeshjes me Prishtinës dhe Ballkanit, ekipi nga Suhareka realizoi i pari me Grishpin, ndërsa Blesa vendosi përfundimisht ekuilibrat në 1-1, pak para fundit të pjesës së parë.
