Presidenti ukrainas Volodymyr Zelenskyy u tha ministrave të Jashtëm të BE-së të mbledhur në Kiev, se “një fitore e Ukrainës kundër Rusisë varet nga bashkëpunimi me Bashkimin Evropian”.
“Jam i sigurt se Ukraina dhe e gjithë bota e lirë janë në gjendje të fitojnë këtë konfrontim. Por fitorja jonë varet drejtpërdrejt nga bashkëpunimi ynë me ju. Është shumë e rëndësishme për ne të gjithë të bëjmë hapa përpara në çdo fushë, pa u ndalur në asgjë, duke shtuar aktivitet në Evropë, duke shtuar lidershipin në Evropë”, u tha Zelenskyy ministrave.
Kievi shpreson të përmbushë një sërë kriteresh të BE-së për t’u bashkuar me bllokun dhe është mbështetur shumë në ndihmën ushtarake perëndimore që nga fillimi i pushtimit në shkurt të vitit të kaluar.
