Komandanti i Njësisë Speciale të Kosovës, Besart Ahmeti, ka reaguar në lidhje me përplasjen e armatosur të Policisë së Kosovës me terroristët serbë që u fshehën në manastirin e Basnjkës.
Ahmeti përgëzon ekipin e tij për punën e bërë dhe nënvizon se ekipet e specializuar të policisë së Kosovës i panë terroristët duke qarë dhe vrapuar për t’u strukur në mal për të shpëtuar.
“Krenarë me djemtë, pamë djallin në sytë e tyre, i pamë tek u rrëzuan, duke qarë, duke vrapuar, më vjen keq për ata që nuk ia kishin idenë se çfarë kishte ndodhur dhe që po gënjejnë sikur kanë qenë aty”, ka shkruar ai në Facebook.
Kujtojmë se në orët e para të mëngjesit të 24 shtatorit, policia e Kosovës ra pre e një sulmi në zonën e Zveçanit, ku vdiq rreshteri Afrim Bunjaku. Pas lokalizimit të grupit terrorist brenda manastirit të Basnjkës, Policia e Kosovës vrau tre prej tyre, u arrestoi dy tjerë si dhe zbuloi një arsenal të madh armësh.
