Një nga konkurrentet e “Dancing With The Stars”, Ina Kollçaku, përshkroi emocionet e saj si dhe rrëfeu se si po e pret këtë eksperiencë të re.
Kollçaku u shpreh se ‘është shumë aktive dhe intensive’ si dhe e ka ‘marrë shumë seriozisht’.
“Nuk e kisha shumë me frikë fizikisht. Është e vështirë patjetër. Kërcimi im i parë është shumë intensiv. Po mësoj edhe terminologjinë paralelisht me koreografinë”, tha konkurrentja e DWTS.
Ndërsa e pyetur se sa do të guxonte në show-n magjik të kërcimit, Ina i habiti të gjithë me përgjigjen.
“Unë mendoj se do shkaktoj zhurmë. Nuk e kam problem lakuriqësinë. Patjetër që do kërceja nudo, por nuk besoj se do e lejojë patenta. I thashë Eltionit do kërceja edhe me një gjethe para. Nuk kam limite si personazh”, tha Ina Kollçaku.
