Dy shtetas janë proceduar këtë të shtunë në Himarë pasi akuzohen për zjarrvënie.
Blutë bëjën me dije se hetimi ka nisur për shtetasit Ç. Xh dhe S. J, pasi duke pastruar tokën ndezën zjarr për të djegur mbeturinat dhe zjarri ka përfshirë sipërfaqe me shkurre dhe ullinj.
“Në vijim të punës hetimore për identifikimin dhe vënien përpara përgjegjësisë ligjore të autorëve të zjarrvënieve, specialistët për Hetimin e Krimeve të Komisariatit të Policisë Himarë referuan materialet në Prokurori ku nisi procedimi penal për shtetasit:
Ç. Xh., banues në Himarë, pasi duke pastruar tokën, ka ndezur zjarr për djegien e disa barishteve, në fshatin Kallarat, dhe si pasojë e përhapjes së flakëve është djegur një sipërfaqe me shkurre;
S.J., banuese në Himarë, pasi ka ndezur zjarr për të djegur mbeturina, në fshatin Qeparo, dhe si pasojë e përhapjes së flakëve janë djegur disa pemë ulliri, në pronësi të saj”,- njofton Policia.
Materialet procedurale i kaluan Prokurorisë, për veprime të mëtejshme.
