Eksperti i IT, Gent Progni thotë se ka gjetur një AirTag (pajisje gjurmuese) në automjetin e familjes. Përmes një postimi në rrjetet sociale, Progni tregon me video vendin ku ishte fshehur kjo pajisje, që sipas tij, ka të paktën 1 javë që është vendosur.
Progni tregon se ka bërë kallëzim në polici, ndërsa shprehet se dyshon se ky akt është kryer për shkak të denoncimeve të tij ndaj AKSHI-t.
Reagimi
Në postimin në “FB”, ai shkruan:
Po! Familja ime eshte ne rrezik!
Ne makinen e vetme ne emer te familjes time (bashkeshortes), ne makinen qe leviz cuni im eshte gjetur nje airtag i vendosur per te pakten 1 jave te cilin e zbulova dje! I vendosur poshte targes se makines ka gjurmuar prej nje jave te gjitha levizjet! Gjithcka lidhet vetem me iniciativen time per ti cjerrur masken AKSHIT, dyshoj vetem te personat qe une i kam denoncuar! Kam bere denoncimin sipas ligjit dhe po pres organet te bejne detyren, falenderoj per reagimin e shpejt dhe pres te kete rezultate! Kushdo qe ka guxuar te afrohet kaq shume nuk me tremb aspak! As nuk do me largoje dot nga Shqiperia e as nuk do me mbylle gojen! Pushka top e mua me ka nga pas!!! Shihemi shpejt burracak!!!
