Policia ka vënë në pranga një 36-vjeçar i cili po transportonte në drejtim të Kukësit, kundrejt pagesës 600 euro për person, 12 emigrantë që synonin të kalonin në mënyrë të paligjshme, kufirin me Kosovën.
12 emigrantët që u gjetën në automjetin e kuksianit janë proceduar në gjendje të lirë për kalim të paligjshëm të kufirit.
Ndërkohë 2 celularë dhe automjeti i përdorur për transportimin e emigrantëve është sekuestruar.
“Ky shtetas është kapur në flagrancë nga shërbimet e Policisë, në Fushë Krujë, duke transportuar me 1 automjet, nga Saranda në drejtim të Kukësit, kundrejt pagesës 600 euro për person, 12 emigrantë që kishin hyrë në mënyrë të paligjshme në Shqipëri dhe synonin të kalonin po në mënyrë të paligjshme, kufirin me Kosovën, me destinacion final vendet e BE-së,” – njofton policia.
Materialet procedurale i kaluan Prokurorisë, për veprime të mëtejshme.
