Nuk mund të mungojnë kurrë shqiptarët kur luhet derbi mes Interit dhe Milanit. Dhe jo vetëm në tribuna, ku si gjithmonë ka një numër të madh mbështetësish të të dy skuadrave që udhëtojnë drejt Italisë nga vendi ynë për të ndjekur këtë sfidë.
Përfaqësuesi në fushën e lojës ishte Kristjan Asllani, por edhe një grup fëmijësh shqiptarë, të cilët kanë shoqëruar skuadrat në momentin e daljes në fushë para fillimit të sfidës.
Një nga këta fëmijë, një vajzë e vogël e cila ishte rreshtuar para gjyqtarëve të sfidës, sapo pikasi kamerën, nuk ngurroi të tregonte me krenari prejardhjen e saj duke përshëndetur me “shqiponjën” të gjithë teleshikuesit në një nga ndeshjet më të ndjekura të futbollin italian.
