Një iranian u larguar nga kampi i muxhahedinëve në Manzë dhe kishte shkuar në një shoqatë që kanë anëtarët e MEK, që ndodhet afër komisariatit nr.4 në Tiranë. Pasi drejtuesit e MEK kanë shkuar për ta marrë, iraniani nuk ka pranuar që të kthehet në kamp ndërsa aty situata ka agravuar, ndërsa ka pasur dhe konfrontim fizik pasi kanë tentuar që ta marrin me forcë.
Së fundmi është zbardhur edhe dëshmia e anëtarit të MEK që u largua nga kampi. Anëtari i MEK është marrë në pyetje nga Antiterrori për të kuptuar arsyet e largimit të tij nga kampi.
“Në shenjë revolte u largova nga kampi dhe nuk dua të qëndroj më aty”, mësohet të ketë thënë iraniani, i cili pas arratisjes nga kampi u strehua në një shoqatë të anëtarëve.
Ndërkohë, nga hetimet e Antiterrorit, ka dyshime se anëtari në fjalë ka pasur konflikte të vazhdueshme dhe se nuk ka qenë dakord për jetesën dhe rregullat brenda kampit.
