Tirana mirëpret sot Ministerialin e Ministrave të Punëve të Brendshme të vendeve pjesëmarrëse në Procesin e Berlinit.
Krerët e delegacioneve nga 26 vende të Bashkimit Europian dhe Ballkanit Perëndimor do të mblidhen në Pallatin të Kongreseve për të diskutuar për rritjen e bashkëpunimit në luftën kundër krimit të organizuar dhe atij kibernetik.
I pari që mbërriti në vendin tonë ishte ministri anglez i emigracionit, Robert Jenrick. Ai zhvilloi dhe një takim në Ministrinë e Brendshme ku diskutoi për çështjen e emigrantëve shqiptar të paligjshëm në Britani.
Samitit do t’i bashkohet edhe ministri grek i mbrojtjes së qytetarit, Ioanis Ikonomu.
Punimet e Ministerialit të Ministrave të rendit do të nisin në orën 14:00 dhe do të zgjasin rreth 3 orë. Në fund do të ketë dhe një konferencë për mediat ku do të bëhen të ditura rezultatet e arritura.
