Në Meksikë u prezantuan sot për publikun trupat e fosilizuar të dy UFO-ve, ngjarje kjo që ka ngjallur kureshtje në botë, por një pjesë tjetër nuk e ka besuar.
Për të folur për këtë ngjarje, në emisionin Rudina ka qenë i ftuar astrologu dhe numerologu Jofiel Koço, i cili në një lidhje Skype ka thënë se e beson që dy trupat e prezantuar në Meksikë janë jashtëtokësorë.
Sipas tij, UFO-t janë të dimensioneve të ndryshme, që shkojnë deri në 5 metra gjatësi, më të vegjël se njerëzit por edhe fare mikroskopik.
Rudina: Ti beson vërtetë që ato janë UFO?
Jofiel Koço: Të them të drejtën, patjetër që janë forma jete, janë specie, janë forma ekzistence. Ne mund të hasim UFO shumë të mëdhenj në dimension, mund të hasim dhe UFO shumë të vegjël në dimension. Unë besoj se janë, sepse përndryshe nuk do t’i nxirrnin. Të mos ngatërrohemi nga dimensionet. Ka UFO që janë 5 metra të lartë, ka UFO që janë më të vegjël se ne në gjatësi, ka dhe UFO akoma mikro të cilët mund t’i konsiderojmë shumë të vegjël. Por them që këto janë reale, sepse tani do ndodhë ajo që quhet “disclose”, pra do flitet gjithmonë e më shumë për alienët.
Astrologu thotë se shumë shpejt do të flitet nëpër televiziove por dhe do të ketë diskutime publike për ekzistencën e alienëve dhe qenieve të tjera. Sipas tij, shumë shpejt do flitet edhe për ekzistencën e vampirëve, reptilianëve dhe qenieve të tjera.
Jofiel Koço: Kam mbi 20 vjet që flas për UFO-t, pavarësisht se kohë pas kohe kam gjetur një brez që gjithmonë e përqafon ose e beson këtë. Dikur ishte shumë e vështirë, sot është më e lehtë që njerëzit besojnë tek UFO-t. Konkretisht ne jemi në një proces të asaj që unë e quaj të një civilizimi ku do ketë UFO, do ketë njerëz, do ketë specie të tjera të gjithë së bashku që unë e quaj kozmolit. Pra një civilizim me shumë specie dhe kohët e fundit ne do dëgjojmë që do flitet shumë në televizione për UFO, për qenie të tjera jo vetëm UFO, dhe qenie të tjera sepse ekzistojnë dhe qenie të tjera reptilianë, ekzistojnë vampirë.
