Një episod sa kurioz po aq edhe emocionues është regjistruar në Parlamentin Evropian.
Komisionerja e BE-së për Çështjet e Brendshme, Ylva Johansson u kap nga kamerat duke thurur me shtiza gjatë fjalimit të Presidentit të Komisionit Evropian Ursula von der Leyen.
Ky nuk është një rast i izoluar, pasi Johansson ishte filmuar duke punuar me grep edhe gjatë një seance pune. Një pasion që komisionerja nuk e ka mbajtur kurrë të fshehur.
Në vitin 2020 ajo tha në rrjetet sociale se u kishte dhënë të gjithë bashkëpunëtorëve të saj çorape leshi që i kishte punuar me grep.
