Argjentina duket se e ka nisur rrugëtimin drejt Botërorit 2026 me të njëjtin ritëm që e çoi drejt lavdisë në “Katar 2022”. Bardhekaltërit mposhtën 3-0 Bolivinë, në një ndeshje pa histori.
Kampionët e Botës dhuruan spektakël dhe dominuan nga fillimi deri në fund. Enzo Fernandez kaloi i pari skuadrën në avantazh dhe pas tij, po në pjesën e parë, Tagliafico dyfishoi shifrat.
Megjithatë, asgjë nuk kishte mbaruar me kaq. Edhe në fraksionin e dytë, Argjentina ishte ajo që diktonte lojën dhe gjeti golin e tretë me Gonzalez.
Pas dy ndeshjeve të para, argjentinasit kanë pikë të plota dhe pozicionohen të parët, së bashku me Brazilin.
