Këngëtarja Ruenca Haxhia, e njohur si Enca, është arrestuar nga policia e Tiranës pasi në ballkonin e banesës së saj janë gjetur disa vazo me bimë kanabisi.
Burime zyrtare nga blutë bënë me dije se operacioni i koduar “Balcony” nga efektivët e komisariatit 1 erdhi “pas informacioneve të siguruara nga inteligjenca policore se një shtetase kishte kultivuar bimë narkotike, në ballkonin e banesës së saj”.
Gjatë kontrollit në banesën e 27-vjeçares në Lundër, në ballkon, efektivët gjetën dhe sekuestruan në cilësinë e provës materiale bimët me kanabis të kultivuara në vazo.
Në këto kushte, Enca u arrestua për kultivim të kanabisit.
Nga pamjet e publikuara nga policia, shquhen pesë bimë në ballkonin e vilës.
Këngëtarja mësohet të jetë shprehur para uniformave blu se bimët narkotike i mbante për përdorim vetjak. Bashkë me të është shoqëruar në polici dhe i dashuri i Encës.
