Policia ka vendosur në pranga një 31-vjeçar i cili u shfaq teksa i jep një të mituri të pijë kanabis sativa dhe më pas videon e postoi në rrjetin social Tik Tok.
Në pranga ka rënë shtetasi Gëzim Avdi (Kalia), banues në Patok, Kurbin, i cili akuzohet për veprën penale “Nxitja për përdorimin e drogës”.
“Strukturat hetimore të DVP Lezhë, menjëherë pas publikimit të një videoje, në rrjetin social Tik Tok, në të cilën shfaqej një shtetas duke i dhënë për të pirë një të mituri, cigare me lëndë të dyshuar narkotike, kanë nisur verifikimet për identifikimin e shtetasit që shfaqej në video. Nga veprimet e shpejta hetimore u bë identifikimi i shtetasit G. A.( K.), 31 vjeç, banues në Patok, Kurbin”, njofton policia.
Në vijim të veprimeve procedurale, specialisët për Hetimin e Narkotikëve të Drejtorisë Vendore të Policisë Lezhë arrestuan në flagrancë 31-vjeçarin, për veprën penale “Nxitja për përdorimin e drogës”.
