Tenisti rus, Daniil Medvedev bën deklaratën shokuese në fund të ndeshjes së US Open kundër bashkëkombasit, Rublev.
Pas fitores së vështirë, ish-numri 1 i botës nuk është kursyer në kritika pasi luajti në temperatura ekstreme deri në 39 gradë në “Ashe Stadium” duke e pasur shumë të vështirë. Paralajmërimi i tij është i qartë dhe pa gjuhë diplomatike.
“Një lojtar do të vdesë duke luajtur dhe ju do ta shikoni direkt në televizion”, deklaroi tenisti rus që hasi shumë vështiresi në frymëmarrje por as paralajmërimi i tij nuk shërbeu për të mbyllur çatinë e fushës kryesore të US Open.
Ai e bëri këtë gjatë setit të tretë teksa iu drejtua kamerës dhe publikut ndërsa përpara mediave shtoi:
“Kushtet ishin brutale. E vetma gjë pozitive është se ato ishin të tilla për të dy tenistët. Në fund të setit të parë nuk po e shikoja topin. Shikoja Rublev dhe mendoja qe mund të rrëzohej nga çasti në çast”.
