Një prej mjeteve që u përfshinë në aksidentin e rëndë automobilistik të kësaj të enjte në Fier, është një furgon i kompanisë së koncesionit të “Check Up”-it të fituar nga Vilma Nushi.
Mjeti i kompanisë së “Check Up”-it u përplas me një automjet tip “Mercedes Benz” në afërsi të “Qafës së Koshovicës”, ku nga përplasja e fortë u shkaktuan dëme të shumta materiale dhe plagosja e të dy drejtuesve të automjeteve.
Pas përplasjes, furgoni i “Check Up”-it ka dalë nga rruga dhe ka përfunduar në kanalin anësor teksa është kthyer përmbys. Ndërkohë në këtë aks është krijuar edhe një radhë e gjatë automjetesh prej disa kilometrash.
Mësohet se dy shoferët e plagosur janë dërguar me urgjencë drejt spitalit të Fierit për të marrë ndihmë mjekësore. Policia po punon për zbardhjen e plotë të shkaqeve të aksident.
Kujtojmë se koncesioni i “Check Up”-it është nën hetim nga SPAK ku konsiderohet si një aferë korruptive.
