Aludimet ishin të shumta dhe tashmë gjithçka është zyrtarizuar. “Veterani” spanjoll i mbrojtjes, Sergio Ramos është rikthyer te skuadra e tij e parë në karrierën e tij si profesionit, Sevilla, 18 vite pasi i la “andaluzianët” për “galaktikët” e Real Madrid.
Për të kaluar te Sevilla, Ramos mohoi ofertat nga MLS, Meksika, Serie A, Superliga turke, si dhe refuzoi plot 60 milionë euro, nga një prej klubeve të Arabisë Saudite, emri i të cilit nuk është mësuar ende.
Ndërkaq, përsa i përket kontratës personale ish-“ylli” i mbrojtjës së Real Madrid e Paris Saint-Germain ka firmosur me “andaluzianët” një kontratë 1-vjeçare, paga e së cilës ende nuk është bërë me dije por pritet të mësohet në ditët në vijim.
