Gjermania do të luajë dy miqësoret e radhës përballë Japonisë dhe Francës duke u përgatitur për europianin e 2024-ës, që do të zhvillohet pikërisht në tokën gjermane.
Ajo që i habiti të gjithë gjatë publikimit të listës nga Flik, ishte lënia jashtë e Leon Goretckës dhe Tomas Mylerit.
Gjithsesi për këtë të fundit, tekniku i “Panzerave” ka bërë prapaktheu duke e thirrur në grumbullim, me ikonën gjermane që është bashkuar menjëherë me skuadrën.
Ky vendim ka ardhur si pasojë e dëmtimit të papritur të Niklas Fylkrig, i cili ndoshta nuk do të jetë i gatshëm për dy sfidat e radhës të “Die Mannschaft”.
