Një 40-vjeçar i shpallur në kërkim ndërkombëtar nga autoritetet italiane, është arrestuar në Tiranë me qëllim ekstradimi drejt shtetit fqinjë.
“Shërbimet e Sektorit të Forcës së Posaçme të Operacioneve Speciale dhe Kërkimit, bazuar në inteligjencën informative mbi vendndodhjen e një shtetasi në kërkim, kanë organizuar dhe finalizuar operacionin policor të koduar ‘Perugia’. Gjatë operacionit, në rrugën ‘Frosina Plaku’, shërbimet e Policisë kanë kapur dhe ndaluar shtetasin Valter Çela, 40 vjeç, banues në Tiranë”, njoftoi policia.
Sipas të njëjtave burime, ai ishte shpallur në kërkim ndërkombëtar pasi Gjykata e Apelit në Perugia e ka dënuar me 5 vjet burgim, nga të cilat i kanë mbetur për të kryer edhe 2 vjet e 9 muaj, për veprat penale “Pjesëmarrje në organizatë kriminale me qëllim trafikimin e sasive të mëdha të lëndëve narkotike”, (kryesisht kokainë), “Mbajtje, prodhim, shpërndarje të sasive të mëdha të lëndëve narkotike” (kokainë), kryer në bashkëpunim.
