Ndër qytetet më të vizituara të Europës, Amsterdam është më i veçanti, por dhe më kontroversi ndër to. Kryeqyteti holandez me afro 800 mijë banorë mirëpret çdo vit 20 milionë turist.
Por pavarësisht pasurisë kulturore dhe hapësirave të gjelbra, ai mbart famën e destinacionit më liberal dhe festiv në Europë.
Lagjet famëkeqe “red light distric”, si dhe konsumi i ligjshëm i kanabisit kanë bërë që qyteti të tërheqë prej kohësh një target turistësh të diskutueshëm që i kanë prishur imazhin.
Tashmë qytetit po paguan çmimin e politikave tejet tolerante. Bashkia e qytetit ka afishuar tabela në anglisht, në të cilat u kërkohet turistëve të mos urinojnë në ambiente publike. Këto dhe shumë të tjera, janë masat që po ndërmerren për të mbrojtur qetësinë e jetesës se qytetit, i cili cenohet nga turistët e shfrenuar. Bashkia ka nisur një fushatë me moton të “të parandalojmë” telashet e shkaktuara nga turizmi. Këshilli i qytetit ka ndaluar anijet e lundrimit në muajin korrik për të parandaluar “mbipopullimin” në zonat më të frekuentuara nga turistët.
Ndërkohë në maj, tymosja e kanabisit u ndalua në “red light district”. Fushata digjitale “qëndro larg”, ka për qëllim largimin e turistëve më pak të dëshiruar për rendin dhe qetësinë e qytetit, të cilët sipas organeve të rendit daneze janë kryesisht burra britanikë nga mosha 18 deri 35 vjeç, të cilët vizitojnë Amsterdamin për festa të çmendura me alkool, drogë dhe jo vetëm.
“Vizitorët do të mbeten të mirëpritur, por jo nëse sillen keq dhe shkaktojnë bezdi”, tha nënkryetari i bashkisë Sofyan Mbarki në një deklaratë. Shumë vendas gjithashtu mbështesin iniciativën, të lodhur nga mbipopullimi dhe turma të pafundme.
