Një person ka mbetur i plagosur rëndë këtë të hënë pas një shpërthimi në banesën e tij në fshatin Margëlliç të Patosit. Shpërthim që dyshohet se është shkaktuar nga rrjedhja e gazit nga një bombol që 62-vjeçari po montonte.
“Rreth orës 12:00, shtetasi F. M., 62 vjeç, duke montuar bombolën e gazit në banesën e tij, bombola ka shpërthyer dhe për pasojë ka marrë dëmtime trupore 62-vjeçari, i cili ndodhet në spital, në kujdesin e mjekëve”, njoftoi policia.
Grupi hetimor po punon për zbardhjen e plotë të rrethanave të ngjarjes, shtuan të njëjtat burime.
