Oleksandr Usyk ka mbrojtur tituj WBA, WBO, IBF dhe IBO në peshat e rënda, duke mposhtur Daniel Duboisin në raundin e nëntë.
Ukrainasi dhe britaniku e nisën ndeshjen ashtu siç i takon një dueli të peshave të rënda, duke tregua qetësi dhe maturi në raundin e parë.
Në raundin e dytë, dy boksierët kishin nga një goditje, ndërsa Dubois dukej më i pasigurt në ring.
Raundi i tretë ishte i dominuar nga Usyk, i cili lëshoi goditje direkte, ndërsa britaniku synonte goditje me upercut.
Në raundin e katërt ishte një iniciativë nga 25-vjeçari, që lëshoi disa goditje precize ndaj ukrainasit, por që jo për t’i shkaktuar probleme.
Raundi i pestë ishte më shkatërrues për Usyk, pasi pranoi një goditje nën brez nga Dubois, që natyrisht se ishte e paqëllimshme, ndërsa ukrainasi mbeti i shtrirë në ring dhe gjyqtari i dha kohë deri të kthjellej.
Ndërkohë pas sfidë, ka reaguar Daniel Dubois ku ka thënë se ndihej sikur fitorja i është vjedhur pasi sfida e tij për titullin botëror në peshën e rëndë përfundoi me humbje prej ukrainasit Oleksandr Usyk në një natë dramatike para 40,000 tifozëve të zhurmshëm në Poloni.
“Unë nuk mendoja se ishte një goditje e ulët, mendova se u përkul”, deklaroi Dubois pas përleshjes.
‘”Ma vodhën fitoren, por do të rikthehem përsëri”, ka shtuar më tej britaniku.
