Atë që s’bëri dot Vedat Muriqi, e bën Myrto Uzuni.
Sulmuesi i Kombëtares shqiptare gjeti rrugën e rrjetës me 11-metërsh, në duelin ndaj Majorkës së Muriqit, të vlefshëm për javën e tretë të La Ligës.
Sulmuesi realizoi në minutën e 70-të, duke u treguar i saktë nga pika e bardhë e penalltisë, teksa ngriti shifrat në 3-1, duke sjellë qetësinë në kampin e Granadës.
Ky ishte goli i dytë në La Liga për Uzunin, teksa një e realizoi në sezonin 2021/2022, po me fanellën e Granadës.
Kujtojmë që në pjesën e parë, Muriqi humbi një 11-metërsh, gabim që ndikoi edhe në rezultatin përfundimtar teksa Granada triumfoi 3-2 ndaj Mallorcas.
