Mbi 30 mijë euro janë sekuestruar nga autoritetet në Morinë, ndërsa është proceduar penalisht poseduesi i tyre për mosdeklarim të shumës monetare.
Policia njoftoi këtë të shtunë se në hyrje të RSh-së, është kaluar në vijën e dytë, për kontroll të detajuar, shtetasi A.L.
Gjatë kontrollit fizik dhe kontrollit në çantën e tij, efektivët kanë gjetur 32 450 euro dhe 140 000 lekë të rinj, të cilat A. L. po tentonte t’i fuste në vendin tonë pa i deklaruar konform ligjeve në fuqi.
Në këto kushte, strukturat hetimore të DVKM Kukës referuan materialet në Prokurori ku nisi procedimi në gjendje të lirë për shtetasin A. L., 37 vjeç, banues në Shkodër, për veprën penale “Mosdeklarimi në kufi i të hollave dhe i sendeve me vlerë”.
Gjithashtu, në cilësinë e provës materiale u sekuestrua shuma e parave.
