Shëngjini u trondit mbrëmjen e djeshme nga një sherr që u mbyll me krisma armësh dhe dy të plagosur.
Mësohet se në ngjarjen që ndodhi në zonën e njohur si “Rana e Hedhun” të plagosur kanë mbetur 28-vjeçari Alebert Gjinaj dhe 30-vjeçari Gentian Nikolli.
Policia ndërkohë ka bërë të mundur identifikimin e tre anëtarëve të palës që u përfshinë në konlfikt, të cilët janë shtetasit Bledar, Frajd dhe Kristian Curri.
Në fakt, personat që e kanë nisur sherrin brenda një lokali janë dy të plagosurit, pasi ata kanë qenë të dehur dhe kanë krijuar probleme.
Fillimisht janë dëgjuar zhurma të thyrjeve të gotave dhe shisheve brenda lokalit ku po qëndronin.
Më pas, kur të dy palët kanë dalë jashtë lokalit, konflikti në rrugë është agravuar dhe përveç përleshjes fizike mes tyre, janë përdorur dhe armët.
Sakaq, janë publikuar edhe pamjet nga vendi i ngjarjes pak minuta pas shkrepjeve të armëve të zjarrit, ku dëgjohen klithma dhe të qara njerëzish.
