Dy persona kanë mbetur të plagosur nga të shtënat në Shëngjin mbrëmjen e sotme.
Albert Gjinaj, 28 vjeç, banues në Tiranë dhe Gentian Nikolli, 30 vjec banues në Thumanë, janë transportuar në spital dhe raportohen jashtë rrezikut për jetën.
Autorët, tre persona, janë identifikuar dhe shpallur në kërkim.
Të shtënat, sipas policisë, erdhën në vazhdën e një konflikti çasti.
“Rreth orës 22:00, në Shëngjin, në një lokal në vendin e quajtur ‘Rana e Hedhun’ dyshohet se gjatë një konflikti të çastit, janë plagosur me armë zjarri lehtë në këmbë shtetasit A.Gj, 28 vjeç banues në Tiranë dhe G.N. 30 vjeç, banues në Thumanë, të cilët ndodhen në spital për ndihmë mjekësore, jashtë rrezikut për jetën. Shërbimet e Policisë kanë shkuar menjëherë në vendngjarje dhe si rezultat i veprimeve të shpejta kanë bërë të mundur identifikimin e autorëve, konkretisht shtetasit B. C., F. C. dhe K. C., dhe vijon kontrolli i zonës për kapjen e tyre. Grupi hetimor vijon punën për zbardhjen e rrethanave dhe dokumentimin ligjor të rastit”, njoftoi policia.
