Është publikuar video, ku shihet makina tip “BMË X6”, e drejtuar nga i riu durrsak Eldi Allushi, që “fluturon” mbi dogën e liqenit Artificial të Tiranës.
Aksidenti ka ndodhur rreth orës 05:15 të mëngjesit dhe mjeti luksoz i 26-vjeçcarit shihet duke lëvizur me shpejtësi skëterrë nga Rruga e Kosovarëve në drejtim të digës, ku më pas ka ngjitur maloren që ndan aksin me shëtitoren e liqenit.
“Më datë 22.08.2023, rreth orës 05:15, në Rrugën e Kosovarëve, dyshohet se automjeti tip “BMË” me drejtues shtetasin E. A., 26 vjeç, banues në Durrës, ka dalë jashtë rruge dhe është ngjitur në skarpatin e digës së liqenit, më pas është përplasur me bordurën mbrojtëse anës liqenit.Drejtuesi ka braktisur automjetin dhe është larguar nga vendi i aksidentit. Materialet procedurale do t’i kalojnë Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale, për veprat penale “Shkatërrimi i pronës” dhe “Largimi nga vendi i aksidentit”, njofton policia.
Pamjet janë publikuara nga kryebashkiaku i Tiranës Erion Veliaj, i cili shkruan në Tëitter se bashkë me policinë kanë mbledhur provat dhe do të kërkojnë dënim maksimal për shoferin, që është shpallur në kërkim.
