3 ushtarakët e arrestuar pas zbulimit të drogës në repartin në Zall Herr janë liruar.
Gjykata e Apelit ka pranuar kërkesën e tyre për një masë më të butë sigurie.
Bëhet fjalë për Gramoz Mullain, Rustem Koçin dhe Gentian Zhurdën.
Në fillim të muajit gusht Ministria e Mbrojtjes ka pezulluar nga detyra të gjithë personat përgjegjës në repartin ushtarak të Zall Herrit brenda në territorin e të cilit u gjetën 125 bimë kanabisi.
Burime bëjnë me dije se në repartin ushtarak të Zall Herrit, ku shërbejnë më shumë se 300 ushtarakë, bimët narkotike ishin të shpërndara në 6 parcela në zonën e pyllëzuar.
Ajo që ka befasuar më shumë policinë ka qenë fakti që bimët kanë qenë deri 2,7 metra të larta, që do të thotë se janë kultivuar prej të paktën prej 3 muajsh.
