“Nuk kishte ligësi në atë gjest.” Kështu është shprehur Presidenti i Federatës spanjolle të futbollit Luis Rubiales, pasi puthi në buzë lojtaren e kombëtares Jenny Hermoso.
Pamjet e festimit të pazakontë të Rubiales bënë xhiron e rrjetit, teksa ai u duke më i afërt seç duhet me vajzat, teksa ato u kurorëzuan kampione të botës pas fitore me rezultatin 1-0 në finalen e Kupës së Botës me Anglinë.
Në veçanti ishte puthja në buzë që Presidenti i dha nr.11 të ekipit, Hermoso, në momentin kur ajo sapo kishte marrë medaljen e kampiones.
Pranë presidentit të federatës ishte mbretëresha e Spanjës Letizia por kjo nuk e pengoi atë të puthte në buzë lojtarin dhe të bënte bujë në Spanjë.
“Ka idiotë kudo. Nuk duhet t’i kushtojmë vëmendje këtyre idiotëve. Jemi kampion bote, të shijojmë gjërat e bukura”, tha më pas Rubiales në një intervistë për Radio marca.
Puthja e pazakontë nuk është pritur mirë nga opinioni sportiv ku e kanë cilësuar si të papërshtatshme, por edhe nga vetë lojtarja që u befasua dhe deklaroi se nuk i ka pëlqyer aspak.
“Nuk është se më pëlqeu, por nuk kisha çfarë t’i bëja”, tha sulmuesja e Spanjës.
