Mbrëmjen e sotme në orën 21:30, Granada e Myrto Uzunit do të luajë ndeshjen e dytë të sezonit të ri.
Këtë sfidë sulmuesi beratas do ta luajë kundër Rayo Vallecanos, ekip ku aktivizohet mbrojtësi i Kombëtares, Ivan Balliu.
Në këtë sfidë ekipi i Uzunit do të kërkojë të harrojë humbjen në ndeshjen e fundit përballë Atletico Madrid, duke kërkuar kështu fitoren e parë në këtë sezon të ri.
Në krahun tjetër ekipi i Balliut e nisi sezonin me fitoren 0-2 përballë Almerias, ku Ivan Balliu zhvilloi një ndeshje mjaft të mirë.
