Derbi i Londrës mes Crystal Palace dhe Arsenal çon 3 pikë të arta në llogarinë e nënkampionëve. Skuadra e Michel Arteta-s triumfoi me shumë vështirësi në “Selhurst Park” kundër skuadrës së “kristaltë” me një gol të Martin Odegaard që lindi nga aksioni i Nketiah.
Sulmuesi u ndal në mënyrë të parregullt në zonë nga portieri Sam Johnstone dhe për kryesorin David Coote nuk kishte asnjë dyshim. Sulmuesi norvegjez mori pëeripër ekzekutimin e penalltisë dhe në minutën e 54 shënoi të parin e të vetmin gol të ndeshjes.
Një përballje shumë e luftuar me raste nga të dyja krahët por Eze në kampin vendas dhe Thomas Partey e Odegaard në krahun tjetër, u treguan të pasaktë për të shënuar gola të tjerë.
25 minutat e fundit Arsenal i mbylli me 10 lojtarë pas të verdhit të dytë për japonezin Tomiyasu por Crystal Palace nuk arriti për asnjë moment të barazonte ndeshjen duke u dorëzuar përballë rivalëve që tashmë numërojnë 6 pikë, po aq sa Manchester City dhe Brighton pas dy javëve të para të Premier League.
