Një zjarrëvënie e qëllimshme është regjistruar në Berat mesditën e së dielës.
Në një video që po qarkullon në rrjetet sociale dy persona shihen duke i vendosur qëllimisht flakën pyllit me pisha në malin “Partizan” dhe më pas largohen.
Gjithashtu në video shihet edhe momenti kur mbërrijnë ekipet zjarrfikëse, që ndërhyjnë për të neutralizuar flakët.
Si pasojë e zjarrit më herë u raportua se është djegur një sipërfaqe prej 50 metër katrorë me shkurre e ferra si edhe nga flakët u dogjën edhe 20 rrënjë pisha.
