Në garën për Çmimin e Madh të Austrisë nuk ka surpriza, Pecco Bagnaia dominoi pa rivalë duke hedhur një hap tjetër drejt titullit të dytë kampion duke lënë pas Brad Binder dhe rivalin italian Marco Bezzechi.
Që prej metrave të parë dhe deri në vijë e fundit të fuinishit, Bagnaia konfirmoi veten lifder ashtu si edhe në garën sprint.
Ducati ishte thjesht i pakapshëm në asfaltin e garës së Austrisë ku afrikano-jugori Binder bëri maksimumin për të ruajtur ritmin e kryesuesit por motorri i kuq vjen nga një planet tjetër dhe kjo u duk qartë pas xhiros së pestë ku Bagnaia pa u sforcuar shumë arriti të krijonte një distancë sigurie duke lënë pas përfundimisht pilotin afrikan dhe bashkëkombasin italian në një fundjavë me pak emocione por shumë të rëndësishme për kampionin e botës.
Ky është suksesi i pestë sezonal në 10 gara të zhvilluara për Pecco Bagnaia i cili ka rrëmbyer maksimumin e pikëve për herë të tretë nëse llogaritet kombinimi mes suksesit në garën sprint dhe garën zyrtare.
