Një aksident rrugor ku janë përfshirë tre makina është regjistruar pasditen e sotme në Pogradec.
Fillimisht janë përplasur dy mjete që kanë qenë duke udhëtuar në të njëjtën korsi. Por, mjeti i parë ka humbur kontrollin dhe ka goditur një tjetër makinë të parkuar pranë një banese.
Sipas informacioneve paraprake një prej drejtuesve të mjeteve ka marrë plagë të lehta dhe është dërguar në spitalin e Pogradecit.
Aksidenti ka ndodhur në dalje të qytetit të Pogradecit në drejtim të Korçës. Një prej mjeteve të përfshira në të, drejtohej nga shtetas të huaj.
Policia ka mbërritur në vendngjarje dhe ka nisur punën për zbardhjen e dinamikës së aksidentit.
