Një 41-vjeçar në qytetin e Kuçovës është plagosur me thikë gjatë një konflikti të regjistruar mbrëmjen e sotme.
Shërbimet e policisë grupi hetimor kanë mbërritur në vendngjarje, duke shoqëruar disa persona, të cilët po merren në pyetje në komisariat.
“Rreth orës 20:20, në qytetin e Kuçovës, dyshohet se gjatë një konflikti të çastit është plagosur me mjet të mprehtë (thikë), shtetasi E.B., 41 vjeç, banues në Kuçovë, i cili ndodhet në spital, në kujdesin e mjekëve, jashtë rrezikut për jetën. Shërbimet e Policisë dhe grupi hetimor ndodhet në vendngjarje dhe vijon puna intensive për zbardhjen e rrethanave të ngjarjes”, njoftojnë autoritetet.
Forcat e rendit po bëjnë kqyrjen e kamerave të sigurisë, për të bërë të mundur identifikimin e autorit/ve. Mësohet se po ashtu janë ngritur pika kontrolli me qëllim kapjen e tyre.
