Një aksident me dy të lënduar është regjistruar në Gjirokastër mesditën e sotme.
Mësohet se automjeti pa targa drejtohej nga një 17-vjeçar, pa leje drejtimi.
Adoleshenti ka humbur kontrollin mbi drejtimin e automjetit dhe ka dalë nga rruga.
Për pasojë është dëmtuar lehtë vetë drejtuesi i makinës dhe pasagjeri që udhëtonte me të, një 16-vjeçar.
Të dy të dëmtuarit, pasi kanë marrë asistencën mjekësore, janë larguar për në banesat e tyre. Ndaj 17-vjeçarit ka nisur hetimi në gjendje të lirë.
