Deklaratat e ashpra që Peter Stano ka bërë nga Bruskeli për Kosovën, kanë ëuar në një përplasje mes zëdhënësit të Bashkimit Europian dhe eurodeputetit gjerman, Reinhard Butikofer.
Ky i fundit ka reaguar lidhur me deklaratën e fundit të Stano, i cili tha se Kosova ishte e paaftë për t’u sjellë në mënyrë evropiane për depërshkallëzimin e tensioneve në Veri.
Eurodeputeti gjerman shpreh në X (ish-Twitter) revoltën ndaj tij, duke thënë se i duket absurd se si një burokrat i BE-së flet me këtë gjuhë për një qeveri të zgjedhur në një demokraci funksionale në Kosovë.
“Kosova, thotë ai [Stano], ka treguar “paaftësinë për të filluar të sillet në mënyrë evropiane”. Si guxon burokrati të flasë për qeverinë e zgjedhur në mënyrë demokratike të Kosovës apo të ndonjë vendi tjetër?”, shkruan Butikofer.
The language, which @ExtSpoxEU uses, constitutes a scandal in itself! Kosovo, he says, has shown the “inability to start behaving in a European manner”. How dare the bureaucrat speak like that of the democratically elected government of Kosovo or any other country? @JosepBorrellF https://t.co/gCtXgreH9x
— Reinhard Bütikofer (@bueti) August 12, 2023
Ai përmend po ashtu në postim edhe Përfaqësuesin e Lartë të BE-së për Politikë të Jashtme e Siguri, Josep Borrell duke lënë të kuptohet se kritikat për Stanon rëndojnë edhe mbi të.
Butikofer më herët reagoi ndaj deklaratave të zëdhënësit të BE-së, Peter Stano, lidhur me masat ndaj Kosovës, duke e akuzuar Borrellin, për qasje të njëanshme dhe të padrejtë në raport me Kosovën.
