Vend depozitimi i mbetjeve urbane të qytetit të Kukësit, që ndodhet mbi fshatin Mamëz, mes një zone pyjore, është përfshirë nga flakët mesditën e kësaj të enjteje.
Sipas shërbimit zjarrfikës të qytetit, zjarri ka rënë fillimisht në hyrje të këtij vendgrumbullimi, por flakët janë përhapur me shpejtësi duke mbuluar me një re tymi të gjithë zonën.
Mësohet se zjarrfikësit janë nisur drejt vendngjarjes për të shuar flakët dhe për të ndalur përhapjen e tyre në masivin pyjor me dushqe, që e rrethon atë.
