Edhe këtë të hënë është rënduar trafiku në në pikën kufitare të Kakavijës, ku raportohet për një fluks të madh automjetesh.
Raportohet se këtë fillim jave është rritur ndjeshëm numri i hyrje daljeve në pikat e kalimit kufitar të juglindjes së vendit.
Bëhet me dije se pala shqiptare është duke punuar me 8 sportele, ndërsa pala greke me 5 sportele.
Maksimumi i pritjes ka qenë rreth 20 minuta, ndërkohë sa i përket ditëve në vijim, sipas autoriteteve tona parashikohen lëvizje më të shumta.
