Regjisori i filmit klasik horror ‘The Exorcist’,William Friedkin, u nda nga jeta në moshën 87-vjeçare në Los Angeles. Fituesi i çmimit të Akademisë, Friedkin arriti suksesin mbi të gjitha me ‘The Exorcist’, një film i vitit 1973.
Filmat e tjerë të tij të famshëm përfshinin thrillerin e krimit ‘The French Connection’, i cili fitoi pesë çmime Oscar, përfshirë regjisorin më të mirë.
Vdekja u njoftua nga gruaja e tij, ish-producentja dhe drejtuesja e studios Sherry Lansing, ndërsa mesazhet ngushëlluese nga të famshmit filluan të përhapen në rrjetet sociale.
I konsideruar si një nga regjisorët më të admiruar të viteve shtatëdhjetë, filmi i fundit i Friedkin është ‘Killer Joe’, i vitit 2011. Në vitin 2013 ai mori Luanin e Artë për Arritje të Përjetshme në Venecia.
