Një mjet është përfshirë nga flakët në orët e para të mëngjesit të sotëm në aksin rrugor Qafë Thanë-Prrenjas.
Makina tip Benz ka qenë duke zbritur kthesat e Qafë Thanës në drejtim të Prrenjasit kur një masë elektrike në motor ka bërë që makina të përfshihet nga flakët.
Drejtuesi i mjetit N. Gjoka 65 vjeç nga Durrsi ka arritur të dalë në kohë nga mjeti duke shpëtuar nga dëmtimet.
Zjarrfikësit e Prrenjasit kanë bërë të mundur fikjen e mjetit ndërkohë që po bëhet edhe larja e rrugës pasi prania e vajit mund të shkaktojë të tjera aksidentet në këtë zonë.
Policia gjithashtu nisi hetimet rreth kësaj ngjarje për të zbardhur shkaqet e të djegies së mjetit.
