Një postiere është gjetur e vdekur pasi kishte ngecur në një ashensor për tre ditë dhe askush nuk erdhi për ta shpëtuar.
Olga Leontyeva, 32 vjeç, po dërgonte një postë në Tashkent, kryeqyteti i Uzbekistanit, të hënën më 24 korrik, por pasi është futur në ashensorin e një kati nëndhe të një pallati nëntëkatësh ajo nuk u pa më.
Mësohet se ajo ka mbetur në ashensor pasi ishte ndërprerë energjia elektrike.
Sipas raportimeve, ashensori kishte pasur rregullisht probleme teknike dhe nuk ishte regjistruar siç duhet.
Prishjet e ashensorit ishin gjithashtu ‘të zakonshme’, sipas Zyrës së Prokurorit të Përgjithshëm të Tashkentit.
Viktima mësohet se është nënë e një vajze në moshën 6 vjeçare ndërsa mësohet se ishte divorcuar nga bashkëshorti i saj.
