Portieri shqiptar i Kosovës, i lindur në Gjermani, Diant Ramaj do të bëjë hapin e madh në karrierë, pasi do t’i bashkohet gjigantit evropian Ajax Amsterdam.
Portieri i talentuar ka dy vite që është pjesë e ekipit të parë të Eintracht Frafnkfurt ku iu bashkua nga Heidenheim për shumën e 100 mijë eurove.
Gazeta e madhe holandeze, “De Telegraaf” ka raportuar se tashë drejtuesit e Ajaxit kanë arritur marrëveshje me portierin kosovar. 21-vjeçari ka pasur vetëm dy paraqitje në Bundesliga me Eintracht Frankfurtin, teksa është pëlqyer shumë nga drejtuesit e skuadrës nga Amsterdami.
Gjithnjë sipas medias holandeze, Ajax është dakordësuar të paguajë 12 milionë euro te Eintracht Frankfurti për transferimin e Diant Ramajt në “Johan Cruyff Arena”.
Kujtojmë se pjesë e Eintracht Frankfurti është dhe portieri i kombëtares shqiptare U-21, Simon Simoni, i cili u transferua merkaton e kaluar të janarit nga Dinamo tek klubi gjerman për 600 mijë euro që u derdhën në arkat e klubit kryeqytetas.
