Rreth 28 mijë euro janë sekuestruar nga policia në Muriqan. Sipas bluve, paratë i kishte me 50-vjeçar nga Kosova me banim në Gjermani, i cili nuk i deklaroi në hyrje të kufirit të vendit te autoritetet, në kundërshtim me ligjin.
Për këtë, është proceduar penalisht.
“Shërbimet e Policisë Kufitare në PKK Muriqan, në hyrje të RSh-së, kanë kaluar në vijën e dytë, për kontroll më të detajuar, automjetin me të cilin udhëtonin shtetasit kosovarë P.P. dhe B.P. (babë e bir). Gjatë kontrollit në automjet dhe në çantën e dorës të shtetasit P. P., shërbimet e Policisë kanë gjetur dhe sekuestruar 28 400 euro që i posedonte shtetasi P.P., por nuk i kishte deklaruar në kufi, sipas përcaktimeve ligjore. Në vijim të veprimeve, u referuan materialet në Prokurori ku nisi procedimi në gjendje të lirë për shtetasin kosovar P.P., 50 vjeç, banues në Gjermani, për veprën penale ‘Mosdeklarimi në kufi i të hollave dhe i sendeve me vlerë“, njoftoi policia.
