Një drejtues skafi është gjobitur ditën e sotme nga policia në Ksamil, pasi ka shkelur perimetrin e sigurisë dhe nuk kishte dokumentacionin e nevojshëm në bord.
Ndërkohë është bllokuar dhe mjeti lundrues.
“Shërbimet e Policisë Kufitare Sarandë, në vijim të kontrolleve përgjatë vijës bregdetare të Sarandës, në kuadër të masave të marra për mbarëvajtjen e sezonit turistik, kanë konstatuar në plazhin e Ksamilit, një mjet lundrues tip skaf, duke lundruar brenda zonës së kufizuar për mjetet lundruese. Për këtë shkelje, drejtuesi i mjetit lundrues u ndëshkua me masën administrative 100 000 lekë të rinj. Gjithashtu, ky drejtues është ndëshkuar edhe me masën administrative 10 000 lekë të rinj, pasi ka patur mungesë në dokumentacionin në bordin e mjetit”,- njofton Policia.
Në përfundim, mjeti lundrues u bllokua në PKK Port Sarandë.
